5. indicə xəbərlərdə eşitdiyimə görə bir çox kitabxanaları ya bağlayır, ya da birləşdirirlərmiş. bəhanə olaraq isə fondlarının zəif olduğunu, müasir tələblərə cavab vermədiyini bildirirlər. indiki zamanda kitabxanaları daha da inkişaf etdirmək yerinə (bu qədər şərait varkən) isə çarəni bağlamaqda görürlər. sovetlərdən qalma bu mədəniyyəti də beləcə dağıdacaqlar.
anamın uşaq yaşlarımdan məndə yaratdığı bir vərdişdir kitabxana. neçə illər bundan əvvəl yaşadığım yerdə iki kitabxana fəaliyyət göstərirdi. biri uşaqlar üçün olan kitablardan ibarət idi deyə uşaq kitabxanası adlanırdı (məktəb vaxtı çox köməyimə gəlib), digəri böyüklərin kitabxanası. sonradan uşaqlarınkını başladılar, daha doğrusu hər ikisinin birləşdirildiyi deyildi, lakin uşaq kitablarından geriyə heç bir kitab qalmadığı üçün bağlanmış sayıram. yerində isə bank fəaliyyət göstərir hal hazırda. o zamandan indiyə kimi geriyə qalan o tək kitabxanadan istifadə edirdim. keçənlərdə yeni kitablar verildiyini görəndə sevincimdən yerə göyə sığmırdım. rəflər dolusu xarici ədəbiyyat. baxmağa hardan başlayıb harda qurtarım bilmirdim. özümün aldığı kitabların yeri başqa, amma kitabxanadan götürdüklərim tamam başqa olub həmişə. və indi deyirlər bağlanır. kədərliyəm, bəylər. bağlanan hər kitabxana kədərimə və qəzəbimə səbəb olacaq. yerində nə açacaqlar? ticarət obyektəri? biznes mərkəzləri? banklar?